ناف بٹھانے کا جو مخصوص طریقہ رائج ہے کہ کچھ وظیفہ پڑھ کرایک ہاتھ کی بالشت سے دوسرے ہاتھ کو ناپا جاتا ہے، اس کی شرعی حیثیت کیا ہے؟ آیا یہ عمل درست ہے؟ اور اس کا ثبوت کہاں سے ملتا ہے؟
یہ عمل بطورِ علاج تجربات سے ثابت ہے، اس میں دم کرتے ہوئے درود شریف اور قرآنی آیت پڑھی جاتی ہے۔ ہرعلاج کا ثبوت حدیث سے ہونا ضروری نہیں ہے، فی نفسہ جائز ہونا کافی ہے، چناں چہ مذکورہ طریقہ علاج کا بھی حدیث سے ثبوت نہیں ملتا، تاہم اس عمل کو بطور علاج اختیار کرنا اور شفا اللہ رب العزت کی جانب سے ہونے کے عقیدے سے اختیار کرنے کی اجازت ہے۔ فقط واللہ اعلم
فتوی نمبر : 144008201306
دارالافتاء : جامعہ علوم اسلامیہ علامہ محمد یوسف بنوری ٹاؤن