اگر نابالغ لڑکا جامع مسجد میں نماز پڑھا رہا ہو اور مقتدی بھی نابالغ لڑکے ہوں تو کیا ان کے ساتھ بالغ مقتدی نماز پڑھ سکتے ہیں یا نہیں؟ اور جماعتِ ثانیہ میں نا بالغ کی امامت کا کیا حکم ہے؟
نا بالغ لڑکے کے پیچھے بالغ کی اقتدا کسی صورت جائز نہیں ہے، جماعتِ ثانیہ میں بھی درست نہیں ہے۔
واضح رہے کہ شرعی مسجد جس میں پنج وقتہ نماز کے لیے امام ومؤذن مقرر ہو جماعتِ ثانیہ کرانا مکروہ تحریمی ہے خواہ بالغ کرائے ؛ اس لیے مسجدِ شرعی کی حدود میں جماعتِ ثانیہ سے اجتناب کیا جائے۔ فقط واللہ اعلم
فتوی نمبر : 143908200398
دارالافتاء : جامعہ علوم اسلامیہ علامہ محمد یوسف بنوری ٹاؤن