بِسْمِ اللَّهِ الرَّحْمَنِ الرَّحِيم

17 رمضان 1445ھ 28 مارچ 2024 ء

دارالافتاء

 

میں تمہیں طلاق دے چکا ہوں کہنے کا حکم


سوال

ایک شخص نے اپنی بیوی سے لڑتے ہوئے کہا کہ میں تو تمہیں طلاق دے چکا ہوں، تم بڑی بے شرم ہو کہ ابھی تک میرے گھر میں ہو، تو کیا ان الفاظ سے طلاق ہو جائے گی ، کیوں کہ اس کے الفاظ میں ماضی کے الفاظ موجود ہیں جب کہ اس نے اس لڑائی سے پہلے کبھی بھی اپنی بیوی کو طلاق نہیں دی؟

جواب

صورتِ مسئولہ میں جب شوہر نے اپنی بیوی کو کہا کہ: "میں تمہیں طلاق دے چکا ہوں"  تو ان الفاظ سے ایک طلاق رجعی واقع ہوچکی ہے، البتہ عدت کے دوران شوہر کو رجوع کا حق حاصل  ہوگا اور عدت کے دوران رجوع نہ کرنے کی صورت میں عدت مکمل ہوتے ہی مذکورہ خاتون اپنے شوہر کے نکاح سے آزاد ہوجائے گی۔ پھر اگر یہ دونوں میاں بیوی کی حیثیت سے ایک ساتھ رہنا چاہیں گے تو نئے مہر کے ساتھ تجدیدِ نکاح کرنا ضروری ہوگا، بہر صورت آئندہ شوہر کو صرف دو طلاق کا حق حاصل ہوگا۔ فقط واللہ اعلم


فتوی نمبر : 143908200875

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں