سوال

میزان بینک سے قسطوں پر گاڑی لینے کا کیا حکم ہے؟ جائز ہے یا نہیں؟

جواب

ملک کے جمہور علمائے کرام اور مقتدر مفتیانِ کرام کی رائے کے مطابق میزان بینک سمیت دیگر مروجہ  اسلامی بینکوں کے معاملات مکمل طور  پر شرعی اصولوں کے مطابق نہیں ہیں، اس لیے میزان بینک سمیت دیگر مروجہ اسلامی بینکوں سے قسطوں پر گاڑی لینا جائز نہیں ہے، کیوں کہ اس عقد میں بھی متعدد شرعی اصولوں کی خلاف ورزی لازم آتی ہے۔ فقط واللہ اعلم