کیا بیوی کو یہ کہنے سے طلاق ہوجاتی ہے: " میرا آج سے تم سے کوئی تعلق نہیں"؟ یہ الفاظ غصہ میں طلاق کی نیت کے بغیر کہے گئے تھے۔
صورتِ مسئولہ میں اگر مذکورہ الفاظ طلاق کی نیت سے کہے جائیں تو اس سے ایک طلاقِ بائن واقع ہو جاتی ہے، جس کی وجہ سے رجوع جائز نہیں ہوتا، تاہم عدت کے دوران یا عدت مکمل ہونے کے بعد باہمی رضامندی سے سے نئے مہر کے ساتھ تجدید نکاح جائز ہوتا ہے، لیکن صورتِ مسئولہ میں چوں کہ مذکورہ الفاظ بقولِ شوہر طلاق کے ارادہ سے نہیں کہے تھے تو کوئی طلاق واقع نہیں ہوئی، نکاح بدستور قائم ہے۔ فقط واللہ اعلم
فتوی نمبر : 144008201921
دارالافتاء : جامعہ علوم اسلامیہ علامہ محمد یوسف بنوری ٹاؤن