عورت اور مرد کی نماز میں جو فرق ہیں اس فرق کی دلائل سے ھمیں آگاہ کر دیجئے.
مرداورعورت کی نمازمیں ان کی جسمانی ساخت کے اعتبارسے شریعت نے فرق کیاہے۔اوریہ فرق صرف مذہب حنفی میں نہیں بلکہ تمام اہل سنت والجماعت اورائمہ اربعہ کامتفقہ فیصلہ ہے۔اس سلسلہ میں احادیث حضرت ابوسعیدخدری،حضرت علی،حضرت عبداللہ بن عمر،حضرت وائل بن حجر،حضرت عبداللہ بن عباس،حضرت صفیہ ،حضرت ام درداء رضی اللہ عنہم اجمعین سے کتب احادیث سنن ابی داؤد،سنن کبریٰ للبیہقی،مصنف ابن ابی شیبہ وغیرہ میں منقول ہیں۔تفصیلات کے لیے دیکھئے:’’فتاویٰ بینات جلد دوم ص:316 تا320 ،ط:مکتبہ بینات بنوری ٹاؤن کراچی۔اورفتاویٰ دارالعلوم زکریاجلد دوم ص:150 تا158،ط: زمزم پبلشرز کراچی۔فقط واللہ اعلم۔
فتوی نمبر : 143606200029
دارالافتاء : جامعہ علوم اسلامیہ علامہ محمد یوسف بنوری ٹاؤن