آج کل آن لائن کمپنیوں میں انویسٹمنٹ کرکے کے ان میں کاروبار کیا جاتا ہے,,جیسے میں اگر کسی کمپنی میں پانچ ہزار کی انویسٹمنٹ کی ہے,اب وہ کمپنی مجھے ایک مہینےمیں میرا رقم فکس کرکے 8 ہزار دے گا,یعنی وہ پانچ ہزار بھی واپس آئے گے,اس کے ساتھ 3 ہزار اور بھی آئے گے,,کیا میرے لیئے وہ بقایا 3 ہزار روپے حلال ہے یا حرام??
واضح رہے کہ انویسمنٹ کے جائز ہونے کے لیے یہ ضروری ہے کہ نفع کے ساتھ نقصان مٰیں بھی شرکت ہو اور نفع بھی متعین نہ ہو، بلکہ نفع کا فی صد متعین ہو۔
لہذا صورتِ مسئولہ میں پانچ ہزار پر فکس 3 ہزار نفع دینے کی شرط پر انویسمنٹ کرنا شرعا جائز نہیں ہے، بلکہ یہ سودی معاملہ ہے، اس سے اجتناب ضروری ہے۔فقط واللہ اعلم
فتوی نمبر : 144105200456
دارالافتاء : جامعہ علوم اسلامیہ علامہ محمد یوسف بنوری ٹاؤن