قسطوں پر خریدے گئے پلاٹ پر زکات کس طرح ادا کی جا ئےگی جوکہ تجارت کی غرض سے خریدا گیا ہو؟
قسطوں پر جو پلاٹ خریدا جائے تو خریدنے والا اس پلاٹ کا مالک بن جاتا ہے، اگرچہ مکمل اقساط ادا نہ کی ہوں، لہذا جو پلاٹ تجارت کی نیت سے قسطوں پر لیا ہے تو زکات ادا کرنے کے وقت اس کی جو قیمت فروخت ہوگی اس قیمت پر زکات لازم ہوگی۔البتہ جو قسطیں زکات کے رواں سال میں واجب ہوگئیں تھیں وہ کل رقم سے منہا ہوں گی۔ فقط واللہ اعلم
فتوی نمبر : 143908200948
دارالافتاء : جامعہ علوم اسلامیہ علامہ محمد یوسف بنوری ٹاؤن