سوال

میرے دوست نے مجھ سے تین سال کے لیے پانچ لاکھ روپے ادھار لیے ہیں، کیا میں ان پانچ لاکھ کی زکاۃ دوں گا؟

جواب

آپ نے جو رقم قرض پر دی ہوئی ہے اگر آپ کو اس کی واپسی کی امید ہے یا اس قرض کا وصول کرنا آپ کے لیے ممکن ہے تو اس رقم  کی زکاۃ آپ کے ذمہ لازم ہے، خواہ ابھی ادا کریں یا  جب  آپ اپنا قرض وصول کر لیں گے اس وقت ادا کریں، البتہ وصولی کے وقت ادا کرنے کی صورت میں اس رقم کی  گزشتہ سالوں کی زکاۃ بھی ادا کرنا ہوگی ۔ فقط واللہ اعلم