سوال

نمازِ فجر کی جماعت ہو رہی ہو تو پیچھے سنت ادا کرنا کیسا ہے؟

جواب

اگرسنتوں کی ادائیگی کے بعد امام کے ساتھ قعدہ اخیرہ میں شامل ہونے کی امید ہو تو نماز کی صفوں سے پیچھے ستون کی آڑ میں یا صحنِ مسجد میں سنتیں ادا کرنی چاہییں، جس جگہ جماعت سے نماز ادا کی جارہی ہو اس کے ساتھ متصل کھڑے ہو کر سنت ادا کرنا درست نہیں، اسی طرح اگر سنتوں کی ادائیگی کی وجہ سے مکمل جماعت نکلنے کا اندیشہ ہو تو بھی سنتوں کی ادائیگی درست نہیں ہوگی۔ فقط واللہ اعلم