کیافرماتے ہیں مفتیانِ کرام ’’تحیۃالمسجد‘‘ اور ’’تحیۃالوضو‘‘ کے بارے میں کہ فجر کی نماز اور عصر کی نماز سے پہلے پڑھ سکتے ہیں یا نہیں ؟
واضح رہے کہ صبح صادق کے بعد فجر کی سنتوں کے علاوہ دیگر نوافل ادا کرنے کی شرعاً اجازت نہیں، لہذا فجر کی نماز سے پہلے تحیۃ المسجد یا تحیۃ الوضو ادا کرنے کی اجازت نہیں۔ البتہ عصر کی فرض نماز ادا کرنے سے پہلے مذکورہ دونوں نوافل ادا کر سکتے ہیں۔ فقط واللہ اعلم
فتوی نمبر : 144012200303
دارالافتاء : جامعہ علوم اسلامیہ علامہ محمد یوسف بنوری ٹاؤن