سوال

غسل کے دوران جسم پر مہندی کا جز(اصل مہندی کا مادہ) لگا ہوا تھا، بعد میں پتا چلا، کیا غسل ہو گیا؟ یا دوبارہ کرنا ضروری ہے ؟

جواب

اگر جسم پر مہندی کی تہہ جم گئی تھی جس کی وجہ سے پانی بدن کے اس حصہ تک نہیں پہنچ پایا تو غسل مکمل نہیں ہوا،  لیکن پورا غسل دوبارہ  کرنے کی ضرورت نہیں ہے، بلکہ صرف اس جگہ سے مہندی کھرچ کر وہاں پانی پہنچانا کافی ہوگا، البتہ پانی پہنچانے سے پہلے اگر کوئی نماز پڑھی ہو تو اس کا اعادہ کرنا لازم ہوگا۔ اور اگر مہندی کی تہہ نہیں جمی تھی اور پانی جسم کے اس حصے تک پہنچ گیا تو غسل ادا ہوگیا۔ فقط واللہ اعلم