غائبانہ صلاۃِ جنازہ کا حنفیہ کے یہاں کیا حکم ہے؟ اور اگر ہو رہی ہو تو حنفی مسلک آدمی شامل ہو سکتا ہے؟
نمازِ جنازہ کی شرائط میں سے یہ ہے کہ میت نماز پڑھنے والے کے سامنے موجود ہے، اگر میت وہاں موجود نہ ہو تو نماز صحیح نہ ہوگی، لہذا غائبانہ نمازِ جنازہ شرعاً درست نہیں ہے۔ حنفی مقلد کے لیے غائبانہ نمازِ جنازہ میں شرکت جائز نہیں ہے۔
فتاویٰ شامی میں ہے:
"فلاتصح علی غائب وصلاة النبي صلی الله علیه وسلم علی النجاشي لغویة أوخصوصیة". (باب صلوۃ الجنازۃ،2/209،ط:سعید) فقط واللہ اعلم
فتوی نمبر : 144010200256
دارالافتاء : جامعہ علوم اسلامیہ علامہ محمد یوسف بنوری ٹاؤن