میں یہ جانناچا ہتی ہوں کہ اگر کوئی عورت رخصتی کے بعد اپنے والدین کے گھر پر ہو اور اس کا شوہر اسے اسٹامپ پیپر پہ ایک ایک ماہ کے وقفے سے تین طلاقیں بھیج دے جب کہ اس دوران عورت اور اس کے شوہر کی آپس میں کوئی ملاقات بھی نہ ہوئی ہو، تو کیا عورت کی عدت پہلی طلاق سے شروع ہو گی یا تیسری طلاق سے؟
اس عورت کی عدت پہلی طلاق سے شروع ہوگی اور تین ماہواریوں کے گزرنے کے بعد اس کی عدت مکمل ہوجائے گی ۔ مذکورہ صورت میں چوں کہ تین طلاقیں دی گئی ہیں لہٰذا عدت مکمل ہونے کے بعد یہ عورت کہیں اور نکاح کرنے میں آزاد ہوگی، شوہر کو رجوع یا تجدیدِ نکاح کا حق نہیں ہوگا۔ فقط واللہ اعلم
فتوی نمبر : 143909201490
دارالافتاء : جامعہ علوم اسلامیہ علامہ محمد یوسف بنوری ٹاؤن