میری بیٹی کا نام عافیہ ہے اور الله تعالٰی نے مجھے ایک اور بیٹی عطا فرمائی ہے جس سے میں بہت خوش ہوں۔ آپ سے درخواست ہے کہ کوئی ایسا نام بتائیں جو "عافیہ" کے ہم وزن ہو اور معنی کے اعتبار سے بھی ملتا جلتا ہو۔
"عافیہ" کے ہم معنی (قریب المعنیٰ) و ہم وزن نام "سالمہ"، "شافیہ "ہیں، جب کہ ہم وزن عمدہ ناموں میں سے ایک نام "عائشہ"، "ماریہ " اور "عاتکہ" ہے، جو بالترتیب رسول اللہ صلی اللہ علیہ و آلہ وسلم کی زوجہ مطہرہ، آپ ﷺ کی باندی جن سے آپ ﷺ کے بیٹے ابراہیم رضی اللہ عنہ پیدا ہوئے، اور آپ ﷺ کی پھوپھی کے نام ہیں، ان کی مناسبت سے عاتکہ، عائشہ، یا ماریہ نام رکھنا زیادہ بہتر ہوگا۔
دیگر ہم وزن نام درج ذیل ہیں:
ہانیہ، ہادیہ، شافعہ، عائذہ، عاصمہ۔ فقط واللہ اعلم
فتوی نمبر : 144202200047
دارالافتاء : جامعہ علوم اسلامیہ علامہ محمد یوسف بنوری ٹاؤن