سوال

عورت گزشتہ ایک سال سے اپنی ماں کے گھر پر ہے، مگر ابھی اس کو شوہر نے طلاق دے دی ہے، تو کیا اب یہ عورت عدت گزارےگی؟

جواب

صورتِ مسئولہ میں جس وقت شوہر نے طلاق دی اس وقت سے مطلقہ عورت پر عدت گزارنا لازم ہے، اور حمل نہ ہونے کی صورت میں مطلقہ عورت کی عدت مکمل تین ماہواریاں ہے،  طلاق سے پہلے شوہر سےعلیحدہ  رہنے  کی وجہ سے عدت کا حکم ختم نہیں ہوتا، بلکہ طلاق کے وقت سے عدت کی ابتدا ہوتی ہے۔ فقط واللہ اعلم