عید کے دوسرے دن سے چھ روزے رکھنے چاہییں یا عید کے تین دن گزر جانے کے بعد روزے رکھنا چاہییں؟
صرف عید کے دن یعنی یکم شوال کو روزہ رکھنا منع ہے، شوال کی دو تاریخ سے ہی شوال کے چھ روزے شروع کرسکتے ہیں، عید کے تین دن گزرنے کا انتظار ضروری نہیں ہے، شوال کا مہینہ ختم ہونے سے پہلے پہلے چھ روزے رکھنا مستحب ہے،خواہ پے در پے رکھے جائیں یا وقفے وقفے سے، دونوں طرح درست ہے۔فقط واللہ اعلم
فتوی نمبر : 143909200836
دارالافتاء : جامعہ علوم اسلامیہ علامہ محمد یوسف بنوری ٹاؤن