کیا لفظ آزاد بولنے سے طلاق ہوجاتی ہے کہ بیوی پوچھے کہ میں یہ کام کروں اگر آپ کی اجازت ہو؟ تو شوہر جواب میں بولے کہ میری طرف سے آزاد ہو تم کرسکتی ہو کوئی مسئلہ نہیں۔
صورتِ مسئولہ میں چوں کہ یہ قرینہ موجود ہے کہ شوہر نے بیوی کے سوال ’’میں فلاں کام کرلوں‘‘ کے جواب میں کہا ہے کہ ’’ آپ فلاں کام کرنے میں آزاد ہو، کوئی مسئلہ نہیں‘‘, لہذا اس سے کوئی طلاق واقع نہیں ہوئی۔ فقط واللہ اعلم
فتوی نمبر : 144105200081
دارالافتاء : جامعہ علوم اسلامیہ علامہ محمد یوسف بنوری ٹاؤن