سوال

سفر میں سنت نماز پڑھنے کا کیا حکم ہے؟ 

جواب

سفر جاری ہو اور  کسی مقام پر نماز کے لیے ہی رکے ہوں اور جلدی نہ ہو تو سنت پڑھنا بہتر اور افضل ہے، لیکن اگر جلدی ہو تو فجر کی سنتوں کے علاوہ باقی سنتوں کو چھوڑنا جائز ہے۔  البتہ اگر مسافر کسی شہر یا بستی میں ٹھہرا ہو  چاہے پندرہ دن سے کم ہی قیام ہو تو راجح قول کے مطابق سنتیں  پڑھنی چاہییں، نبی کریم صلی اللہ علیہ وسلم سے سفر میں سنتیں پڑھنا ثابت ہے۔ فقط واللہ اعلم