سوال

مجھے بالوں کی بیماری بالچر Alopecia Areata ہے۔ اس کے علاج کے لیے رات کو لہسن کا لیپ بطور دوالگانا پڑتا ہے۔ کیا فجر کی نماز کے لیے وضو سے پہلے سر دھونا لازمی ہے یا صرف سادہ اور معمول کا وضو کافی ہو گا ؟

جواب

لہسن کا لیپ سوکھ جانے کے بعداگر اس کے نیچے پانی نہ پہنچ سکتا ہو تو  سر پر مسح صحیح ہونے کے لیے اس کو زائل کرنا ضروری ہوگا، نیز چوں کہ لہسن میں بدبو بھی ہوتی ہے اور بدبو دار اشیاء کے ساتھ نماز پڑھنا مکروہ ہے ؛ اس لیے بہر صورت سر دھو کر نماز پڑھیں۔فقط واللہ اعلم