لڑکی کا نام ’’سبین‘‘ رکھنا کیسا ہے؟
عربی یا فارسی مستند لغت میں لفظِ ’’سبین‘‘ کا معنیٰ نہیں مل سکا۔ البتہ عربی میں "سَبَـنِیَّه" کپڑوں کی ایک قسم ہے جو "سَبَن" نامی جگہ (بغداد میں ایک بستی )پر بنتے تھے، بعض لغات میں "سبین" کو لاطینی زبان کا لفظ قرار دیا گیا ہے، اور اس کا معنیٰ ایک قبیلہ لکھا ہے۔ "سبین" نام رکھا جاسکتا ہے، تاہم نام رکھنے کے متعلق افضل یہی ہے کہ اپنی بچیوں کے نام اَزواجِ مطہرات اور صحابیات مکرمات رضوان اللہ علیہن اجمعین کے ناموں پر یا اچھے بامعنی عربی نام رکھے جائیں۔ اگر مزید نام معلوم کرنا ہوں تو ہماری ویب سائٹ میں ناموں والے سیکشن میں جاکر دیکھ لیں، وہاں مزید اچھے اچھے معنیٰ والے نام موجود ہیں۔فقط واللہ اعلم
فتوی نمبر : 144012201196
دارالافتاء : جامعہ علوم اسلامیہ علامہ محمد یوسف بنوری ٹاؤن