سوال

کیا روزے کی حالت میں بیوی کے ساتھ ہمبستری کی جا سکتی ہے؟

جواب

روزے کی حالت میں ہمبستری کرنا ناجائز اور حرام ہے، اگر رمضان کے روزے کے دوران ہمبستری کی تو روزہ ٹوٹ جائے گا اور قضا اور کفارہ دونوں لازم ہوں گے۔ ایک روزے کے کفارے میں  ساٹھ روزے مسلسل رکھنے واجب ہوں گے، اور اگر بیماری وغیرہ کسی شرعی عذر کی بنا پر واقعۃً روزہ رکھنے پر قادر نہ ہو تو ساٹھ مسکینوں کو  دو وقت کھانا کھلانا، یا ساٹھ مسکینوں کو صدقۃ الفطر ادا کرنا ہوگا۔فقط واللہ اعلم