میرے والد ذیابیطس کے مریض ہیں، رمضان کے روزے نہیں رکھ سکتے تو ان کے روزوں کا فدیہ کب دیں؟ ہر روزہ کے بعد یا رمضان ختم ہونے کے بعد؟
اگر آپ کے والد سردی کے دنوں میں قضا کرسکتے ہیں تو وہ فدیہ نہ دیں، بلکہ مختصر ایام میں روزوں کی قضا کرنا لازم ہے،اور اگر یہ بھی ممکن نہیں ہے تو پھر فدیہ دینا ہوگا۔ اب فدیہ روز کا روز دے دیں تو زیادہ بہتر ہے، اور اگر ایک ساتھ پورے مہینے کا دیں تو یہ بھی جائز ہے۔فقط واللہ اعلم
فتوی نمبر : 143908200558
دارالافتاء : جامعہ علوم اسلامیہ علامہ محمد یوسف بنوری ٹاؤن