اگر کسی بچے کے دانے نکل آئیں جیسے کہ خسرا وغیرہ میں دانے نکل آتے ہیں، تو کیا ہم ان دانوں پر قرآن کی کوئی آیت پڑھ کر دم کرسکتے ہیں یا نہیں؟ مجھ سے کسی نے یہ کہا ہے کہ دانوں پر دم نہیں کرسکتے ہیں اور نہ ہی کوئی دعا پڑھ سکتے ہیں۔ راہ نمائی فرمائیں۔
جسم پر دانے نکل آنے کی صورت میں دانوں پر قرآنِ کریم کی کوئی آیت یا کوئی دعا وغیرہ پڑھ کر دم کرنا جائز ہے، اس میں شرعاً کوئی حرج نہیں ہے۔ فقط واللہ اعلم
فتوی نمبر : 144106200826
دارالافتاء : جامعہ علوم اسلامیہ علامہ محمد یوسف بنوری ٹاؤن