ایک مسجد کے اندر پیش امام کے ساتھ نماز باجماعت ہو گئی ہے اور اس مسجد میں پیش امام بھی مقرر ہے، تو اس صورت میں اسی فرض کی دوسری جماعت ہوسکتی ہے یا نہیں؟
ایک مسجد میں جب کہ پیش امام کے ساتھ نماز باجماعت ہو گئی ہے جماعتِ ثانیہ کرنا مکروہ ہ تحریمی ہے ۔
’’عن الحسن قال: کان أصحاب رسول الله ﷺ ، إذا دخلوا المسجد، وقد صلي فیه، صلوافرادي‘‘. (المصنف لابن أبي شیبة، کتاب الصلاة، باب من قال: یصلون فرادی، ولا یجمعون. مؤسسة علوم القرآن جدید ۵/۵۵، رقم:۷۱۸۸)
’’لأن التکرار یؤدی إلی تقلیل الجماعة لأن الناس إذا علموا أنهم تفوتهم الجماعة فیستعجلون فتکثرالجماعة، وإذا علموا أنها لا تفوتهم یتأخرون فتقل الجماعة وتقلیل الجماعة مکروه‘‘. (بدائع،کتاب الصلاة، فصل في بیان محل وجوب الأذان ۱/۱۵۳)فقط واللہ اعلم
فتوی نمبر : 144001200545
دارالافتاء : جامعہ علوم اسلامیہ علامہ محمد یوسف بنوری ٹاؤن