شوہر نے اپنی بیوی کو تین طلاق دیں، ایک مہینے کے اندر اندر عدت میں ہی رجوع کرلیا، تو کیا طلاق ہو گئی یا رجوع ہو گیا؟
واضح رہے کہ شوہر کی جانب سے تین طلاق دے دینے کے بعد نکاح ختم ہوجاتا ہے، اور بیوی حرمتِ مغلظہ کے ساتھ شوہر پر حرام ہوجاتی ہے، رجوع یا تجدیدِ نکاح جائز نہیں ہوتا، لہذا صورتِ مسئولہ میں رجوع جائز نہ ہونے کے باوجود جو ملاپ کیا ہے، اس پر سچے دل سے اللہ کے حضور توبہ و استغفار کرنا اور فوراً علیحدگی ضروری ہے، عدت (اگر عورت حاملہ نہ ہو تو تین مرتبہ ایام گزرنے) کے بعد عورت دوسری جگہ نکاح کرنے میں آزاد ہوگی۔ فقط واللہ اعلم
فتوی نمبر : 144012201041
دارالافتاء : جامعہ علوم اسلامیہ علامہ محمد یوسف بنوری ٹاؤن