کیا درج ذیل قول حضرت علی رضی اللہ عنہ کا ہے؟ رہنمائی فرمائیں:
’’زندگی جب رلائے تو سمجھ جانا گناہ معاف ہوگئےاور جب زندگی ہنسائے تو سمجھنا دعا قبول ہو گئی ہے‘‘۔
سوال میں آپ نے جو قول ذکر کرکے اس کے بارے میں دریافت کیا ہے، مذکورہ الفاظ يا ا ن سے ملتے جلتے الفاظ کے ساتھ حضرت علی رضی اللہ عنہ کا کوئی قول ہمیں تلاش کے باوجود نہیں مل سکا، لہذا جب تک کسی معتبردرجے میں اس کا ثبوت نہ مل جائے، اسے حضرت علی رضی اللہ عنہ کی طرف منسوب کرکے بیان کرنے سے احتراز کیاجائے۔
فقط والله أعلم
فتوی نمبر : 144501101792
دارالافتاء : جامعہ علوم اسلامیہ علامہ محمد یوسف بنوری ٹاؤن