سوال

کیا فرماتے ہیں علماء دین و مفتیان عظام مسئلہ ذیل کے بارے میں کہ : تراویح میں ختم قرآن کے موقع پر اجرت لینا کیسا ہے؟ جب کہ پہلے سے کچھ متعین نہیں ہے، نہ پڑھانے والے کی طرف سے نہ گاؤں والوں کی طرف سے؟

جواب

اجرت پرقرآن کریم سنانا جائزنہیں ہےاورثواب بھی نہیں ہے،اس حالت میں بہترہےکہ «الم ترکیف» سےتراویح پڑھادی جائے، اس سےبھی تراویح کی سنت ادا ہوجائےگی، البتہ  بلاتعیین کچھ دے دیاجائے (جیسا کہ سائل نے لکھا ہے) اورنہ دینے پر قاری صاحب کو کوئی شکایت بھی نہ ہو اوردینے کا عرف بھی نہ ہو تویہ صورت اجرت سےخارج اورحدجوازمیں داخل ہوسکتی ہے۔(کفایت المفتی،3/350) فقط واللہ اعلم