میری والدہ جو کہ ایک ضعیف خاتون ہیں وہ طلاق یافتہ ہیں، وہ چلنے پھرنے سے بالکل قاصر ہیں اور میرے والد بھی میرے ساتھ رہائش پذیر ہیں، اتنے وسائل نہیں ہیں کہ میں الگ الگ گھر رکھ سکوں، اس سلسلہ میں کیا حکم ہے؟
آپ اپنے والد اور والدہ دونوں کو اپنے ساتھ ایک گھر میں رکھ سکتے ہیں، بشرطیکہ دونوں کے درمیان پردہ کا مکمل اہتمام کیا جائے، ان کے کمرے الگ الگ ہوں، اور دونوں کے درمیان خلوت کا موقع نہ آئے۔ فقط واللہ اعلم
فتوی نمبر : 144103200179
دارالافتاء : جامعہ علوم اسلامیہ علامہ محمد یوسف بنوری ٹاؤن