سوال

کیا پوتا اپنے مرحوم والد کا حصہ اپنے دادا کے انتقال کے بعد لے سکتا ہے؟ یعنی بچے کا باپ پہلے فوت ہوگیا  اور اب دادا کا انتقال ہوا.دادا کی میراث تقسیم ہورہی  ہے تو  اس بچے کے مرحوم والد کا حصہ بنتا ہے یا نہیں، جب کہ بچے کے والد کا انتقال دادا سے پہلے ہوا ہے؟

جواب

اگر کسی بچے کے دادا کے انتقال  سے پہلے اس کے والد کا انتقال ہو جائے  تو دادا کے انتقال کی صورت میں دادا کی میراث میں بچے کے والد کا کوئی حصہ نہیں ہو گا؛ اس لیے بچے کو دادا کی میراث میں اپنے والد کا حصہ مانگنے کا حق نہیں ہو گا، البتہ اگر دادا کی وفات کے وقت پوتے  کا کوئی چچا  وغیرہ نہ ہو تو پھر  اسے حق ہوگا۔ فقط واللہ اعلم