دو بچوں کے درمیان وقفہ کرنے کا کیا طریقہ اپنایا جائے؟
شرعی طور پر دو بچوں کے درمیان وقفہ کے متعلق کوئی تحدید ثابت نہیں ہے، شریعت کی نظر میں اولاد کی کثرت پسندیدہ ہے، اور شرعی عذر کے بغیر موانعِ حمل تدابیر اختیار کرنا پسندیدہ نہیں ہے۔ البتہ اگر عورت کی صحت متحمل نہ ہو یا کوئی اور عذر ہو تو باہمی رضامندی سے اولاد میں وقفہ کرنا جائز ہے، اور اس کے لیےشرعاً جائز اور مناسب تدبیر اختیار کی جاسکتی ہے،لہذا ضرورت پر اپنے معالج کی راہ نمائی سے کوئی مناسب طریقہ اختیار کرسکتے ہیں۔ مستقل طور پر بندش، یا ایسی صورت جس میں غیر کے سامنے ستر کھولنا پڑے یا کوئی اور شرعی منکر لازم آتاہو، اس کی اجازت نہیں ہے۔ فقط واللہ اعلم
فتوی نمبر : 143909201676
دارالافتاء : جامعہ علوم اسلامیہ علامہ محمد یوسف بنوری ٹاؤن