ایک مستحقِ زکات آدمی کو نصاب سے زیادہ صدقہ واجبہ دیا جاسکتا ہے؟
کسی مستحقِ زکات کو اتنی مقدار زکات دینا مکروہ ہے کہ جس سے وہ خود صاحبِ نصاب بن جائے اور اس پر زکات واجب ہوجائے، البتہ اگر کسی نےایک غریب کو نصاب کے بقدر یا اس سے زیادہ زکات یک مشت دےدی ہو تو دوبارہ ادا کرنا ضروری نہیں، زکات ادا ہوجائے گی۔ لیکن صاحبِ نصاب ہوجانے کے بعد (جب تک وہ صاحبِ نصاب رہے) کسی کے لیے اسے زکات کی معمولی رقم دینا بھی جائز نہیں ہوگا۔ فقط واللہ اعلم
فتوی نمبر : 144008200538
دارالافتاء : جامعہ علوم اسلامیہ علامہ محمد یوسف بنوری ٹاؤن