سوال

ایک عورت فوت ہو گئی  ہے اور اس عورت کا ایک بھائی اور شوہر زندہ ہے تو اب میراث میں ان کو کتنے حصے ملیں گے؟

جواب

صورتِ مسئولہ میں اگر مذکورہ خاتون کے ذمہ کوئی قرض ہو تو اس کو ادا کیا جائے پھر  اگر مرحومہ نے کوئی جائز وصیت کی ہو تو اس کو ایک تہائی میں سے نافذ کیا جائے، اس کے بعد  (اگر مرحومہ کے صرف یہی دو وارث ہیں تو) مرحومہ کے کل ترکہ کو دو حصوں میں تقسیم کر کے ایک حصہ بھائی کو اور ایک حصہ شوہر کو دیا جائے گا۔

یعنی کل ترکہ  میں سے آدھا  حصہ بھائی کو اور آدھا  حصہ شوہر کو ملے گا۔ فقط واللہ اعلم