امام کو لقمہ دینے کا حکم بیان فرمائیں۔
اگر امام کو مقتدی کے علاہ کوئی اورشخص لقمہ دے اور امام کو اس کے لقمے سے غلطی کا علم ہو تو امام اور اس کے مقتدیوں کی نماز فاسد ہوجاتی ہے،تاہم اگر مقتدی اپنے امام کو لقمہ دے تو اس سے نماز فاسد نہیں ہوتی ، چاہے امام اس کا لقمہ لے یا نہ لےاور چاہے لقمہ قراءت کی فرض مقدارپڑھنے کے بعد دیا گیا ہو یا اس سے پہلے ، البتہ مقتدی کو چاہیے کہ لقمہ دینے میں جلدی نہ کرے، امام بھی مقتدیوں کو لقمہ دینے پر مجبور نہ کرے، اگر مقتدیوں کو بھی لقمہ دینے میں مشکل پیش آرہی ہے تو امام دوسری آیت پر منتقل ہوجائے یا اگرامام مستحب قراءت پڑھ چکا ہے تو رکوع کرلے ۔فقط واللہ اعلم
فتوی نمبر : 143907200042
دارالافتاء : جامعہ علوم اسلامیہ علامہ محمد یوسف بنوری ٹاؤن