میرا اپنی بیگم کے ساتھ کسی بات پر جھگڑا ہو گیا، اسی جھگڑے کے دوران غصے کی حالت میں ارادہ طلاق سے یہ الفاظ بولے ہیں''دفع ہو ''پھر کچھ دیر کےبعد'' جہنم میں جا'' پھر کچھ دیربعد ''اپنی ماں کےگھرچلی جا'' پھر کچھ دیربعد یہ الفاظ بولےہیں'' طلاق دیتاہوں، طلاق دیتاہوں''، اسی وقت میرےمنہ پرہاتھ رکرمیری زبان کوروکاگیا ۔ پھر کچھ وقت کے بعد ایک دوسرےجھگڑے کے دوران شدید غصہ کی حالت میں یہ الفاظ بولے میں تیری بیٹی کوطلاق دیتاہوں، طلاق طلاق۔
صورتِ مسئولہ میں مجموعی طور پر تین طلاقیں واقع ہوچکی ہیں اور آپ کی زوجہ آپ کے نکاح سے خارج ہوچکی ہیں، اب دونوں کا رجوع کرنا یاتجدیدِنکاح کرنا جائز نہیں ہے،دونوں پر فی الفور علیحدگی لازم ہے۔فقط واللہ اعلم
فتوی نمبر : 143906200107
دارالافتاء : جامعہ علوم اسلامیہ علامہ محمد یوسف بنوری ٹاؤن