سوال

موجودہ دور میں اسلامک بینک کے نام پر جو بینک کام کر رہے ہیں تو کیا اسلامک بینک کے ساتھ کوئی معاملہ کرنا یا سیونگ اکاؤنٹ کھلوانا جائز ہے؟  جس طرح میزان بینک یا بینک اسلامی یا دوسرے بینک ہیں۔  کافی علماء کا کہنا ہے کہ اس میں اکاؤنٹ کھلوانا جائز ہے، اس کی ذرا وضاحت فرمادیں!

جواب

میزان بینک یا  بینک اسلامی یا کوئی بھی مروجہ غیر سودی بینکوں سے تمویلی معاملات کرنا، سیونگ اکاؤنٹ  وغیرہ کھلوانا جائز نہیں ہے، ملک کے اکثر جید اور مقتدر مفتیانِ کرام  کی رائے یہ ہے کہ  مروجہ غیر سودی بینکوں کا طریقہ کار شرعی اصولوں کے مطابق نہیں ہے،  اور مروجہ غیر سودی بینک اور  روایتی بینک کےبہت سے  معاملات درحقیقت ایک جیسے ہیں، لہذا روایتی بینکوں کی طرح ان سے بھی  تمویلی معاملات کرنا جائز نہیں ہے ۔ ضرورت پڑنے پر صرف ایسا اکاؤنٹ کھلوایا جاسکتا ہے جس میں منافع نہ ملتا ہو، مثلاً: کرنٹ اکاؤنٹ یا لاکرز وغیرہ۔ فقط واللہ اعلم