جو مال کسٹمر (خریدار ) کو ادھار پر بیچا ہو اس پر زکاۃ لاگو ہوگی ؟
مال کو ادھار پر بیچنے سے کسٹمر (خریدار ) اس کا مالک ہوگیا؛ اس لیے اس مال کی زکاۃ تو آپ پر لازم نہیں ہوگی، البتہ اس مال کی جو قیمت طے ہوئی ہے وہ آپ کی ملک ہے ؛ اس لیے اس قیمت کی زکاۃ آپ پرہوگی، البتہ اس کی ادائیگی اسی وقت لازم ہوگی جب وہ پیسے وصول ہوجائیں گے، لیکن اگر پہلے ہی ادا کر دی تو بھی درست ہے۔فقط واللہ اعلم
فتوی نمبر : 143909200038
دارالافتاء : جامعہ علوم اسلامیہ علامہ محمد یوسف بنوری ٹاؤن