’’ابیہا‘‘ اور ’’یشفا‘‘ نام رکھنا کیسا ہے؟ اوران کا مطلب کیاہے؟
”ابیہہ“ ( أَبِيْهَه) کے معنی ہیں، سمجھ دار ہونا،ذہین ہونا۔(القاموس الوحید ص: 106) یہ نام رکھ سکتے ہیں۔ اس کا رسم الخط ”ابیہہ“ ہے، ”ابیہا“ نہیں ہے۔
”یشفا“ لفظ اس رسم الخط کے ساتھ مستعمل نہیں ہے، اور ”یشفیٰ“ یہ شَفِيَ یَشْفیٰ (س) سے ہے، اس کے معنی ہیں ”نئے چاند کا غروب ہونا“۔ (المنجد) اور یہ فعل ہے، لہذا یہ نام نہ رکھا جائے، اس کے بجائے”شِفَاء“ رکھا جاسکتا ہے، اور شفاء کے معنی ہیں : آرام، افاقہ، صحت یابی، بیماری کا ازالہ۔ فقط واللہ اعلم
فتوی نمبر : 144103200007
دارالافتاء : جامعہ علوم اسلامیہ علامہ محمد یوسف بنوری ٹاؤن