سیرتِ طیبہ کا مطالعہ کہاں سے شروع کروں اور کیسے کروں اور اس میں کتابوں کی ترتیب کیسی ہو ؟
آپ ﷺ کی سیرت طیبہ کے مطالعہ کے لیے بہتر یہ ہے کہ ابتدائی طور پر تدریج کا طریقہ اختیار کیا جائے کہ مختصر کتابوں سے بڑی اور ضخیم کتابوں کے مطالعہ کا سفر کیا جائے، مثلا شروع میں ”سیرت خاتم الانبیاء“(مفتی محمد شفیع عثمانی رحمہ اللہ)، پھر ”رحمت عالم“(سید سلیمان ندوی رحمہ اللہ)، پھر ”اسوۂ رسول اکرم“(ڈاکٹر عبد الحی عارفی رحمہ اللہ)، اور ”سیرت رسول اکرم“(مولانا سید ابو الحسن علی ندوی) اور پھر ان کے بعد مجلدات والی کتب کا مطالعہ کریں مثلا ”سیرت مصطفیٰ ﷺ“ (مولانا ادریس کاندھلوی رحمہ اللہ)، اور رحمۃ للعالمین (قاضی سلیمان منصور پوری رحمہ اللہ) کا مطالعہ کا مفید رہے گا۔ فقط واللہ اعلم
فتوی نمبر : 144105200282
دارالافتاء : جامعہ علوم اسلامیہ علامہ محمد یوسف بنوری ٹاؤن