سوال

ضوریز کا معنی کیا ہے ض کے اوپر پیش کے ساتھ؟

جواب

"ضوْریْز"( ضاد کے پیش کے ساتھ)  نام رکھنا درست ہے؛ کیوں کہ "ضوریز "  مرکب ہے (ضو ) اور (ریز) سے۔ضو  عربی  سے منتقل ہوکر فارسی میں آیا ہے، اس کا  اصل’’ضؤ‘‘  ضاد کے زبر ساتھ ہے ، اور عربی میں یہ لفظ ضاد کے پیش کے ساتھ بھی استعمال ہوتا ہے ،  اس کا معنی ہے: روشنی۔ اور "ریز"  ریزدن سے ہے، ریزدن کا معنی ہے: تقسيم كرنا، پھینکنا۔ "ضوریز"  کا معنی ہوگا: روشنی پھیلانے والا،  روشنی بکھیرنے والا۔ 

تاج العروس میں ہے:

"( الضوء) هو (النور، ويضم)".   (تاج العروس: مادة ضوء (1/ 318)، ط. دار الهداية)

فرہنگ عامرہ میں ہے:

"ضو:  روشنی۔ (ص:335)، رِیزدن: بٹانا، گرانا۔"          (ص: 256)۔ط۔ انڈیا)

اردو لغت میں ہے: 

"ضَوریز: روشنی پھینکنے والا، منور، روشن ۔"                  (اردو لغت:(13/ 43)،ط۔ترقي اردو بورڈ)

                                                             فقط واللہ اعلم