زیرناف بالوں میں مقعد کے علاوہ پچھلی شرم گاہ پر جو بال ہوتے ہیں وہ کہاں تک صاف کرنا ضروری ہے؟
زیرِِ ناف بال کاٹنے کی حد یہ ہے کہ اگر آدمی اکڑو بیٹھے تو ناف سے تھوڑا نیچے، جہاں پیٹ میں بل پڑتا ہے وہاں سے رانوں کی جڑوں تک، اورپیشاب پاخانہ کی جگہ کے اردگرد جہاں تک نجاست لگنے کا امکان ہو, وہاں تک بال صاف کرنے چاہییں۔
اس وضاحت میں آپ کے سوال کا جواب بھی ہوگیا کہ مقعد کے گرد جہاں تک نجاست لگنے کا امکان ہو وہاں تک بال کاٹنے چاہییں۔
ہر ہفتے میں غیر ضروری بالوں کی صفائی مستحب ہے، ہفتے میں نہ ہوسکے تو پندرہ دن میں کرلیے جائیں، چالیس دن سے زیادہ چھوڑنا جائز نہیں. فقط واللہ اعلم
فتوی نمبر : 144108201492
دارالافتاء : جامعہ علوم اسلامیہ علامہ محمد یوسف بنوری ٹاؤن