بِسْمِ اللَّهِ الرَّحْمَنِ الرَّحِيم

30 ذو القعدة 1443ھ 30 جون 2022 ء

دارالافتاء

 

زرناب فاطمہ نام رکھنے کا حکم اور اس کا معنی


سوال

کیا زرناب فاطمہ نام رکھ سکتے ہیں؟ اور اس کا مطلب کیا ہے ؟

جواب

"زرناب" کے معنی" خالص سونا" اور" آفتاب "کے ہیں ،یہ نام رکھنا جائزہے ۔

فیروز اللغات(جامع، رنگین ایڈشن) میں ہے :

"زرناب :(ف۔ا۔مذ)خالص سونا ،۲۔(کنایۃ ) آفتاب ۔"

(ص:788،ط:فیروز سنز)

نیز فاطمہ"فطم" سے ہے ،جس کے معنیٰ  دودھ  چھڑانے کے ہیں، لغوی اعتبار سے ’’فاطمہ‘‘ اس خاتون کو کہتے ہیں جو اپنے بچے کا دودھ چھڑادے، ’’فاطمہ‘‘ رسول اللہ صلی ٰاللہ علیہ وسلم کی لخت جگر اور پیاری بیٹی (حضرت فاطمہ بنت حضرت محمدصلی ٰاللہ علیہ وسلم) کا بابرکت نام ہونے کے ساتھ ساتھ بیس (۲۰) سے زیادہ صحابیات کا بھی نام مبارک ہے۔

لہٰذا" زرناب فاطمہ" چوں کہ" فاطمہ" پر بھی مشتمل ہے،اس لیے اس نسبت سے یہ نام  رکھنا مبارك اور بڑی سعادت کی بات ہے۔

تاج العروس میں ہے:

"(و) فطم (الصبي) يفطمه فطما: (فصله عن الرضاع .....(والاسم) الفطام، (ككتاب) ، وفي الصحاح: فطام الصبي: فصاله عن أمه. يقال: فطمت الأم ولدها، وهو نص اللحياني في نوادره. [وناقة فاطم: بلغ حوارها ستة أشهر] .

(وأفطم السخلة) كذا في النسخ، والصواب: أفطمت: إذا (حان أن تفطم) عن ابن الأعرابي، (فإذا فطمت فهي فاطم ومفطومة وفطيم) ، وذلك لشهرين من [يوم] ولادها، فلا يزال عليها اسم الفطام حتى تستجفر.

(وفاطمة عشرون صحابية) بل أربعة وعشرون، وهن:

فاطمة بنت رسول الله صلى الله تعالى عليه وسلم سيدة نساء العالمين، وابنة أسد بن هاشم الهاشمية أم علي وإخوته رضي الله تعالى عنهم، وبنت الحارث بن خالد التيمية، وابنة أبي الأسود المخزومية، وابنة أبي حبيش الأسدية، وابنة حمزة بن عبد المطلب، وابنة سودة الجهنية، وابنة شرحبيل، وابنة شبية العبشمية، وابنة صفوان الكنانية، وابنة الضحاك الكلابية، وابنة أبي طالب أم هانئ في قول، وابنة عبد الله، وابنة عتبة، وابنة خطاب العدوية، وفاطمة الخزاعية، وابنة علقمة العامرية، وابنة عمرو بن حزام، وابنة المجلل العامرية، وابنة منقذ الأنصارية، وابنة الوليد بن عتبة، وابنة اليمان رضي الله تعالى عنهن."

 (ف ط م،33/ 209 ط :ودار إحياء التراث)

فقط واللہ اعلم


فتوی نمبر : 144310100005

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں