سوال

 کیا زکوۃکے پیسوں سے کسی غریب دوست ، جو سید بھی نہ ہو ، اس کا مہر ادا کیا جا سکتا ہے؟ 

جواب

اگر کوئی شخص غریب اور ضروت مند ہے  اور اس کی ملکیت میں اس کی ضرورتِ  اصلیہ  اور استعمال سے زائد اتنی رقم یا سامان نہیں ہے  جس کی قیمت نصاب   (یعنی ساڑھے باون تولہ چاندی)کے برابر  ہو، اور نہ  ہی  وہ  ہاشمی (سید  ،عباسی) ہے تو اس شخص کوزکاۃ دینا جائز ہے، اب وہ یہ رقم لے کر اس سے اپنی بیوی کا مہر بھی ادا کرسکتا ہے اور دیگر ضروریات میں بھی لگا سکتا ہے۔ اس کا طریقہ یہ ہوگا کہ  وہ رقم اس دوست کو مالک بنا کر دے دی جائے، پھر اسے اختیار ہوگا کہ وہ اس سے مہر ادا کرے،  اور چاہے تو دیگر ضروریات میں صرف کرے۔  فقط واللہ اعلم