اس سال کتنی مقدار مالیت پر زکوٰۃ دینی ہے؟
زکات واجب ہونے کے نصاب کی تفصیل یہ ہےکہ اگر کسی کے پاس صرف سونا ہو تو ساڑھے سات تولہ سونا، اور صرف چاندی ہو تو ساڑھے باون تولہ چاندی، یا دونوں میں سے کسی ایک کی مالیت کے برابر نقدی یا سامانِ تجارت ہو ، یا یہ سب ملا کر یا ان میں سے بعض ملا کر مجموعی مالیت چاندی کے نصاب ساڑھے باؤن تولہ چاندی کی قیمت جو کہ آج بتاریخ 2024/ 3/ 25 کو2571 روپے فی تولہ کے حساب سے134,977 روپےکے برابر بنتی ہو، تو ایسے شخص پر سال پورا ہونے پر قابلِ زکات مال کی ڈھائی فی صد زکات ادا کرنا لازم ہے۔فقط واللہ اعلم
فتوی نمبر : 144509100152
دارالافتاء : جامعہ علوم اسلامیہ علامہ محمد یوسف بنوری ٹاؤن