زین العابدین نام رکھنا کیسا ہے ؟جواب دیا ہے اپ نے ایک شق کا زین کا حوالہ دیا ہے العابدین کا نہیں ؟
زین کا معنی ہے ،خوبصورتی ،اچھا۔
(القاموس الوحید،ص :732،ط:ادارہ اسلامیات)
عابد کا معنی ہے ،عبادت کرنے والا ۔
(القاموس الوحید،ص:1038،ط:ادارہ اسلامیات)
زین العابدین کے معنی ہیں: عبادت گزار لوگوں کی زینت، عبادت کرنے والوں کی خوبصورتی ، لہذا بچے كا یہ نام ركھنا صحیح ہے ۔
تاج العروس میں ہے:
"زين: ( {الزينة، بالكسر: ما} يتزين به) ؛ كما في الصحاح.
وفي التهذيب: اسم جامع لكل شيء يتزين به."
(زين، ج: 35، ص: 161، ط: دار الهداية)
فقط واللہ اعلم
فتوی نمبر : 144404101594
دارالافتاء : جامعہ علوم اسلامیہ علامہ محمد یوسف بنوری ٹاؤن