حضرت یوسف علیہ السلام کی کہانی کو دیکھنا کیسا ہے ؟ میں نے کتاب میں پڑھی ہے، پرانے علماء فرماتے ہیں اس کہانی کو دیکھنے والا جاتا ہے ؟
مذکورہ سوال سے آپ کی مراد اگر یوسف علیہ السلام کی کہانی کی ویڈیو دیکھنا ہے، تو جاندار کی تصاویر پر مشتمل ہونے کی بناء پر ازروئے شرع یہ ناجائز ہے، اور اگر اس میں اس جناب حضرت یوسف علیہ السلام کی تصویر بھی ہو تو اورسخت حرام ہے اور گناہ درگناہ پر مشتمل ہے اور انبیاء کی توہین ہے، جس کو دیکھنا کسی حال میں جائز نہیں ۔
اگر سوال سے آپ کی مراد کچھ اور ہو تو تفصیل سے سوال لکھ کر دوبارہ ارسال کریں۔
فتاوی شامی میں ہے:
"وظاهر كلام النووي في شرح مسلم: الإجماع على تحريم تصوير الحيوان، وقال: وسواء صنعه لما يمتهن أو لغيره، فصنعته حرام بكل حال؛ لأن فيه مضاهاة لخلق الله تعالى، وسواء كان في ثوب أو بساط أو درهم وإناء وحائط وغيرها اهـ."
( كتاب الصلاة، مطلب: مكروهات الصلاة، ج:1، ص:667، ط: سعيد)
فقط واللہ اعلم
فتوی نمبر : 144508102157
دارالافتاء : جامعہ علوم اسلامیہ علامہ محمد یوسف بنوری ٹاؤن