سوال

کیایومِ آزادی پر چراغاں کرنااورآتش بازی کرناجائزہے یانہیں؟

نیزاس دن لوگ روڈوں پر نکل کرٹریفک جام کردیتے ہیں ،کیایہ عمل درست ہے؟

جواب

قرآن و حدیث میں اسراف اور  مال ضائع کرنے سے منع کیا گیا ہے؛ لہٰذا آتش بازی  مال کے ضیاع اور اسراف پر مشتمل ہونے کی وجہ سے ناجائز ہے، خصوصاً جب کہ اس میں جان و مال اور املاک کو نقصان پہنچنے کا  اندیشہ بھی ہے۔

نیز شریعت نے راستے کا حق ادا کرنے اور دوسروں کو تکلیف نہ دینے کا حکم دیا ہے؛ اس لیے سڑکوں اور عمومی گزرگاہوں پر اس طرح ہجوم لگانا جائز نہیں ہے جس سے عام لوگوں، مریضوں یا ضرورت مندوں کو آمدورفت میں دشواری کا سامنا کرنا پڑے۔

البتہ  فضول خرچی اور اسراف سے بچتے ہوئے  چراغاں کرنے کی گنجائش ہے۔فقط واللہ اعلم