یشفع نام کے معنی بتادیں ۔ اپنی بیٹی کا یہ نام رکھنا کیسا ہے؟
’’یَشْفَعُ‘‘ فعل مضارع کا صیغہ ہے، اس کا معنی ہے ”وہ سفارش کرتا ہے“ اور یہ نام نہیں ہے۔ لہذا لڑکی کا یہ نام نہ رکھا جائے،البتہ اسی کو اسم فاعل کے صیغہ پر لاکر"شَافِعَه" يا " شَفِیْعَه" نام رکھ دیں تو درست ہو جائے گا۔ اِس کے معنی ہوں گے ”سفارش کرنے والی“ ۔
لسان العرب ميں ہے:
"و شفع لي يشفع شفاعة و تشفع: طلب. والشفيع : الشافع، و الجمع شفعاء، و استشفع بفلان علي فلان، و تشفع له إليه، فشفعه فيه. و قال الفارسي: استشفعه طلب منه الشفاعة، أي قال له كن لي شافعا۔۔۔ و شافع و شفيع : اسمان، و بنو شافع من بني المطلب بن عبد مناف."
(باب الشین، 4/ 2289 ، ط: دار المعارف)
فقط واللہ اعلم
فتوی نمبر : 144308101431
دارالافتاء : جامعہ علوم اسلامیہ علامہ محمد یوسف بنوری ٹاؤن