یکم محرم الحرام کو 113 بار بسم اللّٰہ لکھنا کیسا ہے؟
یکم محرم الحرام کو 113 مرتبہ بسم اللہ کاغذ پر لکھ کر رکھنا بزرگوں کے مجربات میں سے ہے، حضرت مولانا مفتی محمد شفیع عثمانی صاحب رحمہ اللہ "جواھر الفقہ" میں لکھتے ہیں :
"جو شخص محرم کی پہلی تاریخ کو ایک سو تیرہ (113) مرتبہ پوری "بسم اللہ الرحمن الرحیم" کاغذ پر لکھ کر اپنے پاس رکھے گا ، ہر طرح کی آفات ومصائب سے محفوظ رہے گا، مجرب ہے۔"
(جواھر الفقہ: 2/187)
چوں کہ یہ بزرگوں کے مجربات میں سے ہے، اس لیے اس کو سنت یا لازم سمجھنا درست نہیں ہے، البتہ سنت یا لازم سمجھے بغیر اس پر عمل کرنے میں کوئی حرج نہیں ہے۔ فقط واللہ اعلم
فتوی نمبر : 144212202349
دارالافتاء : جامعہ علوم اسلامیہ علامہ محمد یوسف بنوری ٹاؤن