سوال

واٹس ایپ پر سٹیٹس یاکوئی تصویر لگانا کیسا ہے؟

جواب

واضح رہے کہ شریعتِ مطہرہ  کی رو سے کسی بھی جان دار کی تصویر  بنانا،  دیکھنا اور دکھانا سب ناجائز ہے،  حدیث شریف میں ہے کہ قیامت کے دن اللہ کے دربار  میں سب سے زیادہ  سخت عذاب تصویر بنانے والوں کو ہوگا،  ایک اور حدیث میں ہے کہ جس گھر میں کسی جان دار کی تصویر ہو، وہاں رحمت کے فرشتے داخل نہیں ہوتے؛  اس لیے وا ٹس ایپ اکاؤنٹ کی پروفائل میں کسی بھی جان دار کی تصویر لگاناخواہ وہ شناخت کی غرض سے ہو ، از رو ے شرع ناجائز ہے۔

حدیث شریف میں  ہے:

"عن أبي طلحة أن النبي صلى الله عليه وسلم قال: «لا تدخل الملائكة بيتاً فيه صورة»".

 (صحيح البخاري: كتاب بدء الخلق، رقم الحدیث:3226،  ص: 385، ط: دار ابن الجوزي)

"عن عبد الله، قال: سمعت النبي صلى الله عليه وسلم يقول: «إن أشد الناس عذاباً عند الله يوم القيامة المصورون»".

(صحيح البخاري: كتاب اللباس، باب عذاب المصورين، رقم:5950،  ص: 463، ط: دار ابن الجوزي)

فتاوی شامی میں ہے:

"وظاهر كلام النووي في شرح مسلم: الإجماع على تحريم تصوير الحيوان، وقال: وسواء صنعه لما يمتهن أو لغيره، فصنعته حرام بكل حال؛ لأن فيه مضاهاة لخلق الله تعالى، وسواء كان في ثوب أو بساط أو درهم وإناء وحائط وغيرها اهـ".

 ( كتاب الصلاة، مطلب: مكروهات الصلاة، ج:1، ص:647، ط:ایچ ایم سعید )

فقط واللہ اعلم